أمي...بقلمي

أمي 

بعدك مافي إيد تلمني

خصلات شعري بعدك ماحست

بإصبع يلاعبها ولا يلملمها من نسمة

ريح تطيرها

عيني خفت بريقها واي كلمة ما

تلمع لأجلها

أذني مابقت سمعت صوت وشوشة

تحبها ولو سمعت

يقشعر بدنها

كبرت يا أمي ولسا بدي

أمسك طرف ثوبك لأعبر 

الطريق

تهت وتاهت معي الدني وما 

طلع بالإيد

أمنع القدر وأنا أول الطريق

يرحمك أمي ويمكن بدعاك

نلتقي

ح نلتقي وعديتيني ماتتركيني

رحلت وما زلت ماشية معي

وعلى خطاك مشيت

اشتقتلك أمي

لطيفة يونس