ياسنين كتار...بقلمي
ياسنين كتار حملت
هموم وفرح
دمعة وضحكة
ابعتيلي بسمة
وضمة احباب
فارقوا الدار
وازرعي وردة
بقلوب الصغار
ت يكبروا وتكبر
معهن الأحلام
ويقدروا يحققوا
شي منها لو شو ماصار
ياسنة جايي دخيلك
امسحي دموع القسا
التركوها بقلبي
بندى زهرة
بكلمة حلوة
ترجع القلوب تصفى
ونرجع احباب
متل زمان
احملي شوية سعادة
لقلوب محرومة
لعشاق محمومة
لكتار كتار من بعدتهن
الأيام
ناطرة ت تشيلي شوية
تعب وعتب
ترجعي شي حلو بقلوب
البشر
وترجع لمعة عيونهن حاملة
بريق امل
انو لسا بالدنيا خير
وحياتك ياخيي لسا
في خير بقلوب مابتعرف
غير الخير
فشة خلق بالمحكي
لطيفة يونس
تعليقات
إرسال تعليق