وين بيتك...بقلمي
وين بيتك ...؟؟
قلتله..
بيتي بوسط غابة شرايين وأوردة
وشوية أضلاع مخبى جواها
ومفرغة ل يشوف كل الناس
بس مسكين هالبيت
شو بيحب الناس
وشو اكل صدمات
وشو تحمل وزعل وحده
شو عمل افراح وشاركهن فيها
وفرحته بقيت حزينة
لك أي حزينة
كتيرة عليه الفرحة
استهجنوها اللي فرحهن
وبقي هالبيت محوط بزهور
وكل شوي بينثر بذورها
بالدروب
لتنبت ورد يمكن شي اتنين
بيحبو بعضن يمشو بهالدرب
ويقطفوا زهره
ويتهادوها وهو يفرح لغمرة قلوبهن بالحب
مسكين هالبيت حيطانو توزع دفا
ومن جوا بردان
مافي غطا
لاتسال وين بيتي
زهوري تدلك عليه
لان بيضل حلو بأمثالك
لطيفة يونس
مباشر الآن ....
تعليقات
إرسال تعليق